मिति: २०६७।१।२१

बिषय: प्रेस विज्ञप्ती

 मिति २०६७/१/१९ गतेवाट एकिकृत नेपाल कम्युनिष्ट पार्टी (माओवादी) ले गरेको आमहड्तालमा महिला अधिकारको दृष्टिकोणवाट राष्ट्रिय महिला आयोगले अनुगमनको कार्य प्रारम्भ गरेको छ।

सो क्रममा मिति २०६७/१/२१ गते वानेश्वर, चावहिल, गंगबु, वालाजु र शहरको भित्रि भाग लगायत चौध स्थानमा अनुगमन गर्दा २ स्थानमा वाहेक अधिकांश स्थानमा औसत वीस प्रतिशत महिला सहभागिता पाइयो भने पुतली सडकमा सवै भन्दा धेरै करीव ५० प्रतिशतको हाराहारीमा महिला सहभागिता रहेको पाइयो।

अपेक्षाकृत शान्तपुर्ण अवस्थाको हड्तालमा अधिकांश युवा महिलाहरु त्यसमा पनि मधेशी लगायतका ग्रामिण भेगका महिलाको उल्लेख्य सहभागिता देखिन्थ्यो।जुलुस र धर्ना दिएको स्थानमा रहेका मध्ये २ स्थानमा महिलाहरु अग्र भागमा रहेका वाहेक अन्य स्थानमा मिसिएर रहेको अवस्था पाइयो।अनुगमनको क्रममा केही सहभागि महिला साना साना वालवालिका सहित उपस्थित भएको र परिस्थिति प्रतिकुल भएको अवस्थामा महिला र वालवालिकामा हुन सक्ने जोखिम तर्फराष्ट्रिय महिला आयोगको ध्यान आकृष्ट भएको छ।

महिलाहरुको विशेष आवश्यकतालाई ध्यानमा राखेर आन्दोलनमा सहभागि महिलाहरु, मानव अधिकारकर्मी महिलाहरु, सञ्चाराकर्मी महिलाहरु र सुरक्षा निकायलगायतका महिलाहरु प्रति आन्दोलनरत पक्ष र सरकार दुवै पक्षलाई सम्वेदनशील हुन राष्ट्रिय महिला आयोग अपिल गर्दछ।

ऋतुराज भण्डारी

नि. सचिव