राष्ट्रिय महिला आयोगको सम्वन्धमा व्यवस्था गर्न बनेको ऐन, २०६३

प्रस्तावना

महिलाको हक हितको संरक्षण र सर्म्बर्द्धन गरी विकासको मूल प्रवाहमा महिलालाई प्रभावकारी रुपमा समाहित गर्न र महिलाको समग्र विकास गरी लैङ्गकि न्याय कायम गर्नको लागि राष्ट्रिय महिला आयोगको स्थापना गर्न वाञ्छनीय भएकोले,

प्रतिनिधिसभाको घोषणा, २०६३ जारी भएको पहिलो बर्षा प्रतिनिधिसभाले यो ऐन बनाएको छ ।

परिच्छेद -१

प्रारम्भिक

१. संक्षिप्त नाम र प्रारम्भ (१) यस ऐनको नाम "राष्ट्रिय महिला आयोग ऐन, २०६३" रहेको छ।

(२) यो ऐन तुरुन्त प्रारम्भ हुनेछ ।

२. परिभाषा विषय वा प्रसंगले अर्को अर्थ नलागेमा यस ऐनमा,

(क) "आयोग" भन्नाले दफा ३ बमोजिम स्थापना भएको राष्ट्रिय महिला आयोग सम्झनु पर्छ ।

ख) "अध्यक्ष" भन्नाले आयोगको अध्यक्ष सम्झनु पर्छ र सो शब्दले दफा २१ बमोजिम कार्यवाहक अध्यक्ष भई काम गर्ने सदस्यलाई समेत जनाउँछ ।